每天珍惜做半職媽媽

由Check in 6個月大開始加固，每一天都好擔心午餐同晚餐點算?

我做文職工作，公司不斷要求加班，沒有時間照顧BB...打算做3個月全職媽媽再搵工...

所以上年7月開始，決定辭職...留多點時間陪BB。

差幾天Last day，老闆問我有沒有興趣做兼職? 自由職業...時間自由...

非常吸引，同老公傾過...答應了老闆，這時侯開始了做半職媽媽的生涯。

剛返了一星期兼職，因為姐姐兩星期放假返印尼，做了兩星期FTM...

這兩星期是我做媽媽後，最開心的湊B日子...不用做網店...不愁錢...不愁無工作...

可以全心全意照顧Check in...

本來打算做6個月半職媽媽...收入始終不穩定...今年開始入不敷支...

姐姐一個人湊BB, 真是不太放心...

只希望做得一天得一天...

BB感冒未清點算好? 推介 [洋蔥湯]

早前Check in 傷風，不停打噴嚏、流鼻水, 食了5日藥都未清!!

所以煲洋蔥湯(參考小雨麻)&食金奇偉果!! 神奇地...第二日沒有鼻水了!

洋蔥湯 5M+
材料
洋蔥1/4個
水 適量
做法
1) 先將洋蔥洗淨，剝去外皮、去頭去尾，切為四分之一後，切絲
2) 把洋蔥絲放進鍋中，水量淹過，煮至沸騰之後轉小火煮十分鐘
3)用濾網過濾汁即洋蔥湯

illuma 2號奶粉不易溶

Check in 轉咗2號奶粉個幾月，發現轉極唔溶，最後打電話去illuma 客戶服務問點解?
佢話2號奶粉溶解度與一號不同，可以先加2殼粉搖一搖再加2殼，真係溶到啦~

記得Check in初生時，我地沖奶都未識，3號奶粉，130ml 3scoops=130ml 水/ 3殼, 沖好樽奶會升高，是正常，如果飲6安, 170ml 水 / 4殼。

「嬰兒食譜9M+」紅蘿蔔粟米蓉燕麥粥

「嬰兒食譜 9M+」

紅蘿蔔粟米蓉燕麥粥

材料：
紅蘿蔔粒1湯匙
粟米蓉2湯匙
豬肉碎2湯匙
燕麥片1湯匙
白米1/4杯

做法：
1）白米洗淨（洗3次），浸5分鐘

2）先將白米加少少食油，然後放入蒸煮煲第一層煮15分鐘
3）再將燕麥片放入粥上面一同煮，第二層放入豬肉碎、粟米粒、紅蘿蔔粒再煮15分鐘

4）粟米用濾網隔成蓉，豬肉碎連肉汁、紅蘿蔔粒、少量燕麥粥放入攪拌機，按5下

5）將所有食物蓉加入燕麥粥底，即成

2016年5月我懷孕了！

當知道懷孕，很迷惘，應該做些甚麼呢？

只知道要去普通科診所驗孕，再取轉介信到醫院約期做產前檢查！

我妹妹兩個仔女都在伊利沙伯醫院生，佢見議我選這間！但我們不是公務員，又不是住旺角區附近，去到未必收。
我住將軍澳區，屬於觀塘區，所以生B要在聯合醫院，不過，產前檢查可以揀將軍澳醫院或者母嬰健康院！
最後，選將軍澳醫院做檢查，登記新症可以選星期六上午，而檢查只有平日！排期排到一個月後見助產士！

安全起見約專科醫生檢查一下，將軍澳中心健匯專科，有星期六上午，不請假，又近屋企！
醫生費$650+超聲波$400，第二次檢查就加價，印象中好似$700+$600！好貴呀！

第6周～（專科）照聲波胎兒好似一粒米閃下閃下，代表有心跳，生命真是很神奇，一粒微生物變一粒米變一個人仔！非常奧妙！問醫生取懷孕証明，交公司！
第9周～（將軍澳醫院）首先去繳費處俾身份証登記，再去婦產科等叫名，磅重、量血壓，每次要帶小便驗！
第一次見助產士，懷孕要驗媽媽有沒有疾病，安排我到一樓抽血，一共抽6-7支血啊！約好兩星期後，見醫生、度頸皮及抽血驗唐氏綜合症！
第11周～（將軍澳醫院）繳費處登記、到婦產科，自行磅重、量血壓，再去護士室門口驗小便，等叫號碼見醫生，醫生話我有輕微貧血，開咗鐵丸俾我，因為鐵丸有葉酸，食晒原本樽葉酸就可以食鐵丸！醫生仲問我有冇興趣上產前運動，佢話幾好架！咁就登記咗！
見到醫生等照超聲波，老公陪我一齊入去，照到BB有個胎兒形態，好得意！醫生講咗一句正常，你地可以出去等！其實好想問醫生男仔定女仔？最後，無問到～之後，抽血！走得！

下一回：Check 仔定女

曾經懷疑自己不孕

2017-1-13 聯合醫院順產，第一胎，誕下仔仔Check in BB，重7.5磅

生B之前
2016年5月，嘗試半年都未懷孕，我真是以為自己不孕💔

之前聽朋友講過兩都未成功懷孕，她去家計會檢查發現是輸卵管閉塞，做手術之後一個月就
懷孕了! 朋友話如果嘗試一年都未有，可以去檢查下。

很希望未過高齡之前生BB, 上網找到一位女中醫師，可以免費諮詢生育問題。
我問她應該怎樣做? 醫師意見是量體溫測出自己有沒有排卵!

連續不間斷的睡眠達六-八個小時以上，清晨由熟睡中醒來，尚未運動、進食前所測得的體溫，稱為基礎體溫 正常日子及來經 - 低溫狀態 36.6度以下 排卵及懷孕 - 高溫狀態 36.6度以上

連續7天都有探熱，發現體溫一天比一天高，有一日37.9度，應該有月經來，沒有理由這麼高溫。可以中獎? 試下驗孕，1分鐘出現竟然兩條線......第二天同一時間再驗，真係中獎。

當天約普通科醫生再驗孕，取了轉介信! (這封信要用來排政府醫院做產科檢查)

下一回: 選醫院生B

懷孕前一個月
1）葉酸
最好計劃3個月前食葉酸 ～ 朋友睇醫生時，醫生介紹GNC 葉酸400，$1XX每日一粒，食3個多月，萬寧GNC專櫃有售。

2）牛油果
牛油果🥑對女性很有益處，當然，不要食過量，每星期一至兩個足夠。
挑選牛油果時，要選擇深綠色軟軟，這代表已熟，這時候的牛油果是最好味；如果揀淺綠色的要放耐少少先食，這時候的牛油果不好吃。

3）調理身體
每月經期不準確，很難計算排卵期！我已上網買定紅D綠D，Check排卵期及驗孕紙（萬寧果d好貴，又只用一次好浪費，因為未必中獎）紅D綠D好平。
每個月只有一次機會，如果姨媽來找我又失望，又要等下個月啦！
我月經一直都不準確，又頭暈，所以每星期焗紅棗水，經期後飲八珍湯。
3個月後，月經開始準時，可以計準排卵期。

紅棗水 （瞓前焗，早上空肚飲）
材料：去核紅棗10粒、杞子10粒、黨參數片
用具：煲1個、暖杯1個
做法：
1）所有材料用水浸半小時，倒去水，備用；
2）先將水加滿暖杯，再將水倒入煲內煲滾，再加入所有材料；
3）滾5分鐘左右熄火，所有材料連水倒入暖杯內即成。

八珍湯
材料：新鮮雞髀1隻 / 八珍湯湯包（藥材店有售）
用具：燉煲
1）將八珍湯湯包的所有材料沖水備用，
2）雞髀洗淨，將雞髀放入加凍水的煲內，煲滾後熄火，然後沖凍水，備用。
3）將所有材料放入燉盅內，加入5碗熱水，燉2.5小時，即可飲用。

4）計算排卵期
一開始我計來經日開始數14日，但一直都無唔中獎，
之後聽我細妹講，佢有細佬果時係第10日，我就嘗試數第10日開始連續，
我覺得最好揀早上（我覺得因為夠精神，爸爸的精子最有活力，游都游得快點）
想不到，這次就中獎啦！

5) 浸腳
每晚用熱水(不要太熱)浸腳20-30分鐘

6) 燉雞泡膠湯 (類似花膠)
上網買了一包雞泡膠湯包，飲了一次就中，不知道是否有關係。